Франция ва Монакода хонадон ва виллалар ким учундир – орзу, ким учундир – ҳақиқат, ким учундир эса – бизнесдир. Европа бозорида ҳозирги пайтда нималар содир бўлаётгани, ғарбдаги агентликлар қандай ишлаяпти, ким ва нималарни харид қилаётганини аниқлашга қарор қилдик.
Бунинг учун биз европанинг кўчмас мулк бўйича етакчи брокерлик компанияларидан бири бўлган ArendaLazur TM (Cofrance SARL)нинг директори Виталий Архангельский билан суҳбатлашдик.
– Виталий Дмитриевич, қисқача қилиб Сизнинг ArendaLazur TM (Cofrance SARL) компаниянгиз нима билан шуғулланишини айтиб беринг? Сиз фақатгина Францияда ишлайсизми ёки бутун Европа бўйичами?
– Бутун Европа бўйича ишлаймиз, аммо, Франция ва Монако биз учун, албатта, биринчи ўринда, чунки Ниццада бизнинг бош идорамиз жойлашган. Нима билан шуғулланамиз? Кўчмас мулкнинг барча шакллари билан: хусусий, тижорат, оддий ва элитага оид. Хорижликлар билан фаол тарзда ҳамкорлик қиламиз, хусусан Россиядан бўлганлар билан, уларга объектни танлаш, кўздан кечириш, харид қилиш, охир-оқибатда – сақлаш ва ижарага беришда ёрдам берамиз. Шу билан бирга хизматларнинг бутун мажмуасини кўрсатамиз, шу жумладан ҳуқуқий ҳам. Солиқлар, коммунал тўловлар, суғурта билан боғлиқ барча масалаларни ҳал қиламиз. Зарурат туғилганда, танланган давлатда ипотекани расмийлаштирамиз. Шунингдек, яшаш гувоҳномасини олишда, бизнесни рўйхатдан ўтказишда, кейинчалик эса фуқароликни олишда кўмаклашамиз. Европада доимий равишда истиқомат қилмайдиган шахслар бегона давлатда ўзларини ишончсиз тарзда ҳис қилишади. Бизнинг вазифамиз уларни ҳамма соҳада қўллаб-қувватлаш, шунга эришиш лозимки, биринчидан охирги қадамгача мижоз учун қулай бўлсин ва у ҳеч нарсадан хавотирга тушмасин.
– Сиз ижара билан шуғулланасизми?
– Ҳа, йўналишлардан яна бири – бу ижара ва у билан боғлиқ барча нарсалар. Хонадон ва виллаларни, дам олиш ва бошқа мақсадлар учун, тижорат биноларини – бизнесни юргизиш учун, апартаментларни узоқ муддатли истиқомат қилиш учун, қисқа муддатга олиш – буларнинг бариси ArendaLazur TM (Cofrance SARL) компаниясининг вазифаси бўлиб, биз бу билан қарийб ўн йил давомида муваффақиятли тарзда шуғулланмоқдамиз. Франция ва Монакодаги кўчмас мулкнинг бутун базаси бизнинг қўлимизда. Европанинг бошқа давлатларида биз кўп сонли етакчи кўчмас мулк агентликлари билан ҳамкорлик қиламиз, бизнинг компаниямиз брокерлик бўлгани учун хонадон ва уйларга устама қўйишга ҳақли эмасмиз, яъни уларни эгасининг нархи бўйича таклиф қиламиз, ҳаттоки чегирмалар борасида ҳам музокалар олиб боришимиз мумкин.
– 2018 йилда Европа кўчмас мулк бозорида нималар содир бўлди?
– Бозорга бир бутун сифатида қарайдиган бўлсак, шуни таъкидлаш мумкинки, Европада кўчмас мулкка бўлган талаб ошмоқда, нархлар ҳам ошмоқда. Аммо, ҳар бир давлатда ўзига хос вазият шаклланган. Қаердадир у бир неча йил давомида ўзгармайди, қаердадир ҳар йили қандайдир сакрашлар содир бўлади. Масалан, мазкур йилда Германияда турар-жойга нисбатан қизиқишлар анчагина тез ошди. Нархлар эса Португалия ва Нидерландияда анчагина ошди, тахминан 6-8%га, шу билан бирга мазкур тенденция кейинчалик ҳам давом этиши кутилмоқда.
Талаб бўйича Испания, Италия ва Германия етакчилик қилмоқда. Бундай вазият турар-жойнинг у ерларда бир неча йил олдин 20-30%га арзонлашгани билан боғлиқ. Ҳозирда унга нарх ошмоқда, аммо аста-секинлик билан, йилига ўртача 2-4%га. Шунинг учун у ерда кўчмас мулкни сотиб олиш ҳалигача ҳам анчагина даромадли иш бўлиб қолмоқда.
– Францияда ишлар қандай кечмоқда?
– Францияда вазият бунинг тескариси: бир неча йил олдин турар-жой нархларининг кескин ошиши кузатилганди, кейинчалик жараён тўхтади. Ўтган йилда нархлар учмуман ошмади. 2018 йилда нархлар аҳамиятсиз тарзда, тахминан 1.5-2%га ошди, шунинг учун хонадонларга талаб юқори даражада сақланмоқда. Мутахассисларнинг башоратларига биноан Францияда кўчмас мулкнинг нархи секин, аммо барқарор равишда, йилига 0.5-2%га ошиб боради. Шунинг учун ҳозирда турар-жойга маблағларни инвестиция сифатида киритиш самаралидир, бу ишончли сармоя.
– Кўчмас мулк билан боғлиқ вазият узоқ йиллар давомида ўзгаришсиз қолаётган давлатлар ҳам мавудми?
– Ҳа, бундай давлатлар қаторига Швейцария, Буюк Британия ёки масалан, биз фаол тарзда иш олиб бораётган Монако Қироллигини киритиш мумкин. Мазкур давлатларда узоқ давр мобайнида кўчмас мулк бозори учун табиий бўлган секин ўсиш динамикаси сақланиб келмоқда: йилига 0.5-1.5%дан, сакрашларсиз. Мутахассисларнинг башоратларига биноан вазият ўзгармайди. Бу давлатларда кўчмас мулкнинг нархи жуда баланд эканлигини яна бир бор эслатиб ўтишнинг зарурати йўқ деб ўйлайман, масалан, Монако ва Лондон мазкур мезон бўйича узоқ йиллар давомида дунёнинг учта етакчи давлати сирасига киради.
Айтганча, Францияда элита кўчмас мулкининг (ҳашаматли виллалар, саройлар, қасрлар) нархи хонадон ёки тижорат биноларининг нархидан кўра анчагина секин ўсади. Ўйлайманки, мазкур тенденция сақланиб қолади. Нархлар энг тез равишда Парижда ўсади, айниқса студия ва кичикроқ хонадонлар учун, бироқ нуфузли турар-жойлар ҳам.
– Хорижий фуқарога Европада кўчмас мулк сотиб олиш, кейинчалик уни ижарага бериш фойдалими? Чунки, солиқлар, айниқса коммунал тўловлар у ерда жуда баланд.
– Албатта, фойдали, мазкур сабабга кўра ҳам. Францияда истиқомат қилиш учун солиқ мавжуд. Уни айни пайтда хонадонда истиқомат қилаётган шахс тўлайди, мос равишда, турар-жой ижарага берилса харажатларни ижарага олувчи қоплайди. Барча коммунал тўловларни ҳам, одатда, яшовчилар тўлашади. Европанинг кўпчилик давлатларида ижара нархлари анчагина баланд. Шунинг учун, кўчмас мулкнинг барча мажбурий тўловларга қарамасдан ҳам, исталган ҳолатда фойдада қолади. Давлатда доимий равишда истиқомат қилмайдиган хорижликлар учун ижарага бериш айниқса самарали. Акс ҳолда, йилнинг катта қисми давомида ўзи яшамайдиган турар-жой учун тўлашга тўғри келади.
– Аммо бундай ҳолдан келиб чиқадики, агар хонадонни ижарага бермасангиз хорижликлар учун Европада турар-жой сотиб олиш рентабел эмас, шундайми?
– Ҳаммаси вазиятга боғлиқ. Тажрибамизга асосланиб айтадиган бўлсам, хорижлик турар-жойни сотиб олиб уни ижарага бермайдиган ва бунда ўзи ҳам у ерда яшамайдиган ҳоллар амалда учрамайди. Кимдир хонадонни доимий яшаш учун бошқа давлатга кўчиб келиш учун сотиб олади. Кимдир ёзда дам олиш, қолган пайтда эса ижарага бериш учун. Ким учундир бизнесни юритиш учун хона керак. Аммо, бирор шахс апартаментни сотиб олиб, бир ҳафтага таътилга келиб, сўнгра шунай қолдириб кетгани – бизнинг тажрибамизда учрамаган. Чунки ArendaLazur TM (Cofrance SARL) га биз эгаси бўлмаган пайтда кўчмас мулкка қарашимиз ва унга барқарор даромадни таъминлашимиз учун ҳам мурожаат қилишади. Агар вилла ёки хонадон йилига бир ой давомида керак бўлса, уни шунчаки ижарага олишади, биз бу масалада ҳам доимо ёрдам беришга тайёр.
Кўпинча Европада кўчмас мулкни молиявий таъминланган кишилар сотиб олишади, табиийки “охирги пулларига” эмас. Уларнинг мақсади маблағларни самарали ва ишончли тарзда инвестиция қилиш. Бундай кишилар кейинчалик нархи ошиб кетадиган турар-жойни сотиб олишга интилишади, баъзан эса улар уни қурилиш жараёнида ҳам сотиб олишади. Кейинчалик, хонадоннинг нархи ўсганида, уни муваффақиятли тарзда сотиб юборишади. Агар уларда бундай мақсадлар бўлмаганида, улар мазкур йўллар билан маблағларини турар-жой кўринишида фарзандларига мерос қилиб қолдиришади. Бу банклардаги ҳисоб-рақамларидан ишончлироқ, агар гап Россия ҳақида борса.
– Россиядан мижозларигиз кўпми?
– Штатимизда рус тилида сўзлашувчи ходимлар борлиги, менинг ўзим ҳам кўп йиллар давомида Санкт-Петербургда истиқомат қилганим туфайли, Россия ва собиқ СССР давлатларидан бўлган мижозларга биз ҳар доимо юқори даражада эътибор қаратамиз. Бизда рус тилидаги кўплаб интернет саҳифалар, Москва, Петербург, Олма-Ота, Киев, Минкс, бир қатор болтиқ бўйи шаҳарларида идоралар, РФнинг турли минтақаларида тўғридан-тўғри телефон рақамлари, Россияда доимий равишда истиқомат қилувчи ишончли ҳамкорлар мавжуд бўлиб, улар зарурат туғилганда доимо– ҳуқуқий, психологик, консалтинг кўмагини беришга тайёр.
Шу билан бирга, биз айнан россиялик мижозларга ўзимизни йўналтиришни мақсад қилиб қўймаганмиз. Бизнинг асосий саҳифаларимизни камида уч тилда ўқишади: француз, рус ва инглиз тилларида, штатимизда эса испан, италян, хитой, немис ва бошқа тилларда сўзлаша оладиган ходимлар мавжуд. Шунинг учун, тушуниш бўйича, одатда, ҳеч қандай тўсиқлар юзага келмайди ва бизга турли давлатлардан одамлар мурожаат қилишади.
– 2018 йил сизнинг компаниянгиз учун қандай йил бўлди?
– Барқарор ва ўзимиз кутганимиздек бўлди. Францияда турар-жойга талабнинг энг юқори чўққиси ўтган йил бўлди, ўшанда кўчмас мулкка нархлар вақтинча “музлатилди”. Энди улар бироз ошди, аммо одамлар ҳалиям, нархлар бундан зиёд ўсиб кетмасидан хонадон сотиб олишга интилишмоқда. Шунинг учун, йилни омадли деб ҳисобласа бўлади, иш кўп эди, бизда янги доимий мижозлар ва дўстлар пайдо бўлди.
Ижарага келадиган бўлсак, бу йили Россиядан Францияга дам олишга камроқ сайёҳлар келишди, бу давлатдаги иқтисодий ҳолат билан боғлиқ бўлса керак. Буни олдиндан кўра билиб, биз эътиборимизни бошқа давлатлардан бўлган мижозларимизга қаратишга ҳаракат қилдик. Аммо Мовий Қирғоқни французларнинг ўзидан ташқари энг кўп руслар ёқтириши туфайли, 2018 йил биз учун энг яшиси бўлди деб айтиб бўлмайди.
– Кўчмас мулк энг арзон бўлган давлатлар, масалан, Болгария ва Грецияда ҳам иш олиб борасизларми?
– Олдинроқ айтиб ўтганимдек, биз бутун Европа бўйича иш олиб борамиз, шунинг учун кўчмас мулк нисбатан арзон бўлган Болгария ва Греция, Испания ва ҳаттоки Финляндияда иш олиб борамиз. Лекин, олдиндан шундай шаклландики, ArendaLazur TM (Cofrance SARL) компанияси VIP-мижозларни кўпроқ қизиқтирди, қайсиким улар, биринчидан арзон таклифларни қидиришмайди, иккинчидан, бизнинг битимни “фойдаланишга тайёр” ҳолда ташкил қилиш ёндашувимизни қадрлашади. Бизнинг одатий буюртмачимиз – бу арзонроқ таклифни топиш умидида, ҳуқуқшунос тўловидан иқтисод қилиш, кейинчалик хонадонни ўзи мустақил ижарага бериш ва ҳоказолар учун ўнлаб турли ташкилотларга мурожаат қилишга вақти бўлмаган кишидир. Бизнинг мижозимиз – объектни синчиклаб танлайдиган, хариднинг самарадорлигига ишонч ҳосил қиладиган, кейингина ишни: битимни амалга ошириш, суғурталаш, солиқ декларациясини тўлдириш, ижарага бериш, бошқарувчи компанияни ёллашни шунчаки бизга йўналтирадиган шахсдир. Ёки у олдиндан Францияга доимий яшаш мақсадини олдига қўядиган, бу ерда бизнесни сотиб оладиган кишидир, бунда ҳам биз унга тўла-тўкис ёрдам берамиз.
– Бу ҳақида батафсилроқ гапириб берсангиз. Сизни тўғри тушундимми, компаниянгизнинг вазифаси шунчаки тижорат биносини сотишдан иборат эмас?
– Албатта, йўқ, ва бунда бизнинг афзаллигимиздир. Биз маслаҳат хизматларини кўрсатамиз, бизнесни унинг келажакдаги даромадлилиги нуқтаи назаридан баҳолаймиз, амалда муваффақиятли бўлган вариантни танлаш ва харид қилишда кўмаклашамиз, тўлиқ ҳуқуқий ёрдамни кўрсатамиз. Кейинчалик яшаш гувоҳномасини олишга, бутун оила учун кўчишни ташкиллаштиришга кўмаклашамиз, барча юзага келадиган муаммоларни ҳал қиламиз, ҳатоки боланинг қайси мактабга бориши, бувисини қайси шифокор даволаши, ҳатто итига қайси ветеренар хизмат кўрсатишигача. Мижоз бизга исталган масалани ҳал қилишни топшириши мумкин, биз эса у ҳеч нарсадан хавотир олмаслиги ва Францияда ўзини уйидагидек ҳис қилиши учун барчасини амалга оширамиз.
– Демак, Сиз кўпроқ VIP-мижозларга йўналтирилганмисиз?
– Бизнинг хизматларимизга таъминланган одамлар орасида талаб юқори. Мисол учун, гап дам олиш ҳақида бораётган бўлса, биз нафақат хонадонни ижарага олишга ёрдам берамиз, балки бу борадаги барча хизматларни кўрсатамиз: шахсий дастур бўйича таътилни ташкил қиламиз, унинг ичига яхтада саёҳат, вертолётда экскурсия, қандайдир маросим ёки байрам ҳам киради. Бизда бирор бир чегара ва чекланишлар, тур-пакетлар ва андазага солинган тадбирлар йўқ. Ҳаммаси мижознинг истагига биноан амалга оширилади. Уни аэропортда лимузин кутиб олишини, виллада кеча-кундуз оркестр ўйнаб туришини хоҳласа, биз осонгина буни ташкил қиламиз.
Бироқ, бу фаолиятимизнинг фақатгина бир қисми. Бизнинг таклифлар базамизда “ўрта класс” учун катта миқдордаги объектлар мавжуд: ҳам ижара, ҳам харид учун қиммат бўлмаган хонадонлар, апартаментлар, таунхауслар. Шунинг учун, агар бирга қўнғироқ қилиб: “Мен бир ҳафтага студияни ижарага олмоқчиман, бошқа ҳеч нарса керак эмас”, – деса, биз унга бутун Франциядан ёки кўрсатилган минтақадан энг арзон таклифларни тақдим этамиз, ижара шартномасини тузишга ёрдам берамиз, агар у керак бўлса ва бошқа ҳеч нарса! Сўнгра унинг ўзи етиб келади, дам олади, ишлайди, режалаштирган иши билан шуғулланади. Зарурат туғилганда исталган пайтда маслаҳат учун бизга мурожаат қилиши мумкин. Тўла қонли ҳуқуқий маслаҳат ҳақида гап кетмаётган бўлса, биз унга бепул ҳам маслаҳат берамиз. Шундай қилиб, бизнинг компаниямизга бирикиб қолган “элита учун” нуфузи унчалик тўғри эмас. Биз барча билан ишлаймиз ва ҳамма учун ўзи қидираётган айни ўша нарсани топамиз.
– Сизнинг компаниянгизда кўчмас мулк агентлиги, одатда, кўрсатмайдиган қандайдир ўзига хос хизматлар мавжудми?
– Мен бунга шундай жавоб берган бўлардим: хоҳишига қараб биз мижозга, одатда, кўчмас мулк агентликлари кўрсатмайдиган исталган хизматларни кўрсатамиз, албатта, қонун ва ахлоқ доирасида. ArendaLazur TM (Cofrance SARL) учун “алоҳида ёндашув” – бу нима учундир ҳозирда исталган реклама эълонига киритиб қўйиш урф бўлиб қолган оддий сўзлар эмас. Биз, ҳақиқатан ҳам, буюртмачиларимизга тўлиқ танлов эркинлигини тақдим қиламиз ва улар қўйган барча вазифаларни адо этамиз. Ресторанда тушлик, отда сайр қилиш, концертга билет – нима учун буларнинг барини кўчмас мулкни кўздан кечириш билан бирга амалга ошириш мумкин эмас?
“Ишга яқин” бўлган хизматларга келадиган бўлсак, биз, мисло учун, исталган пайтда мижозга объектларни вертолётда кўздан кечириш хизматини таъминлаймиз. Масалан, буюртмачи бир-биридан узоқда жойлашган ўнта объектни кўздан кечиришни истайди, бунинг учун унда фақатгина икки кун бор. Биз вертолётни ижарага оламиз ва мазкур вазифани осонгина ҳал қиламиз. Ёки, аксинча, у битта шаҳарда бир неча хонадонларни танлаган, аммо инфратузилмани ҳар томонлама баҳоламоқчи. Юқоридан бинонинг ҳақиқий жойлашуви, яқинида жойлашган бинолар, денгизга яқинлиги ёки узоқлиги ажойиб тарзда кўринади. У билан бирга учадиган бизнинг маслаҳатчимиз ҳамма нарсани кўрсатади ва айтиб беради.
Биринчи қарашда мазкур хизмат қайдайдир “ўйлаб чиқарилган” га ўхшайди. Аммо, вертолётда мазкур кўздан кечиришни амалга оширган барча мижозлар кейинчалик биздан миннатдор бўлишган! Улар, бегона шаҳардаги кўчаларнинг, биноларнинг жойлашувини тушуниш қийин, айниқса яқин жойлашган объектларнинг, деб айтишган. Вертолётнинг бортидан эса ҳаммаси кафтдагидек кўринади, катта шаҳарлар учун бу айниқса долзарб. Суратга тушириш ва кейинчалик уларни батафсил таҳлил қилиш мумкин. Агар бирор нарса эсдан чиқса, ArendaLazur TM (Cofrance SARL) шахсий менеджери нима қаерда жойлашганини тушунишда ёрдам беради. Ўйлайманки, ноодатий хизматлар ҳақида сўраганингизда сиз шунга ўхшаш нарсаларни эшитишни хоҳлагансиз.
– Айнан! Айтингчи, келиётган йил учун бирор бир режаларингиз борми?
– Бизда бир йил олдин режелаштириш анъаналари мавжуд эмас. Агар қизиқарли ёки фойдали ғоялар пайдо бўлса, биз зудлик билан ҳаракитни бошлаймиз. Тажриба кўрсатадики, узоққа қолдирилган режалар, одатда, умуман амалга оширилмайди, ёки муваффақият келтирмайди. Шунчаки, ҳозирги пайта биз устида ишлаётган масалалар мавжуд.
Замонавий технологиялар асрида компанияда одамларга барча керакли ахборотни тезда олишга имкон берадиган қулай интернет саҳифалари бўлиши муҳим. Тасаввур қилинг, фақат Франциянинг кўчмас мулк бозорида қанча объеклар мавжуд. Юз минглаб! Улар билан боғлиқ вазият доимо ўзгариб туради: бири сотилади, бошқаси пайдо бўлади. Баъзан реклама мақсадларида сохта таклифлар ҳам чиқади ва бундай уй ҳақиқатда борлигига ҳали ишонч ҳосил қилиш керак. Биз фақатгина ишончли ҳамкорлар билан ишлаймиз ва доимий равишда базамизни янгилаб борамиз. Битта эълонда мумкин қадар кўп маълумот қолдиришга ҳаракат қиламиз, қўшимча сурат, видео, иш бўйича тавсифномаларни сўраб оламиз, шунчаки “бу ажойиб хонадон” эмас.
Европада шуниси яхшики, ҳеч нарса “яширин” амалга оширилмайди, агар шахс турар-жойни сотса, буни қонуний равишда, ҳуқуқшунос, нотариус иштирокида амалга оширади, аммо шундай бўлса ҳам сохта реклама эълонлари барибир мавжуд. Мазкур чалкашликларни тушуниб олиш осон эмас ва бу билан бизнинг мутахассисларимиз ишлашади. Биз саҳифаларимизда фақатгина амалдаги эълонлар бўлишига ва одамлар вақтларини бекорга сарфламасликларига ҳаракат қиламиз. Бу эса ҳар кунлик меҳнатни талаб қиладиган вазифадир. Шунингдек, шу ёки бошқа давлатда хонадонни харид қилишнинг ўзига хос хусусиятлари, қандай солиқларни тўлаш лозимлиги ва уни сақлаш қандай харажатларни олиб келиши мумкинлиги ҳақида маълумот бериш муҳим ҳисобланади. Буларнинг барини бизнинг порталларимизда топишингиз мумкин, бу эса “узоқдаги” харидорлар учун жуда қулай.
– Яъни, Сиз, интернет саҳифалари харидор учун ҳал қилувчи аҳамиятга эга деб ҳисоблайсизми?
– Ҳал қилувчи эмас, аммо аҳамиятга молик. Исталган харидор учун интернет саҳифаси – бу хонадон билан биринчи танишув, биринчи таассурот. Сўнгра у биз билан боғланади ва минглаб саволларни беради. Албатта, уларнинг ҳар бирига дарҳол жавоб беришнинг имконияти йўқ. Аммо, бу шундай ҳолатки, бунда “келинг ва кўринг” деб айтиш ўринли, чунки хорижлик фуқаро фақатгина хонадон унга мукаммал тарзда тўғри келишига ишонч ҳосил қилсагина саёҳатга журъат этади. Бизнинг вазифамиз унинг ҳафсаласи пир бўлишига йўл қўймаслик. Биз ҳар доимо бир нечта заҳира вариантларини танлаб оламиз ва хаёлимизда қўшимча муқобил таклифларни сақлашга ҳаракат қиламиз. Биз мижознинг келишини ташкил қилишдан олдин агентлик ва эгаларни улар барча саволларга жавоб беришлари, мумкин қадар кўпроқ ахборот беришлари, “фақатгина сотсам бўлди” қабилида иш юритишмасликлари учун “силкитамиз”.
Кўчмас мулк объектлари танлови улкан, ҳаммасидан фойдалана олиш, зарур фильтрлардан фойдаланиш, ортиқчаларини олиб ташлаш имконияти жуда ҳам муҳим. Дастурчилар ва ArendaLazur TM (Cofrance SARL)нинг бошқа ходимлари қидирув тизимини мукаммал даражагача кўтаришга ҳаракат қилишади. Бизнинг асримизда бу унчалик ҳам осон эмас. Бу бизда аллақачон бор ва биз устида ишлашимиз лозим бўлган маладир. Мижозлар биринчи навбатда ўзларига қулай бўлган жойга келишади: у ерда уларнинг ўзи ва бизнинг мутахассисларимиз мос келадиган таклифни тезда топишлари мумкин. Мазкур порталларга эга бўлиш устунликдир, чунки нарх ва таклифлар ҳамма жойда бир хил, яхши ва тез интернет саҳифаси эса кам учрайди.
– Бутун фаолияти давомида Сизнинг компаниянгиз қайси энг катта битимни амалга оширди?
– Монакода, янги қурилган уйдаги кўп қаватли хонадон, унинг қиймати 90 миллион доллар эди. Ҳозирги пайтда унинг қиймати 115 миллионни ташкил этади.
– Мазкур йилда Сизнинг эсингизда қолган қандайдир ҳолат ёки ғалати вазият бўлдими?
– Ўзбекистонлик аёллардан бири бир ҳафта давомида бизни Монакодаги хонадонлар тўғрисида кўплаб саволларга тутди. Кейинчалик аниқланишича унга Макао, Хитойда хонадон керак экан. Яна бир қизиқ мижоз бор эди, у апартаментларни амалда биттагина мезон бўйича танларди: улар унинг иккита “ўтанаслли” мушукларига тўғри келадими йўқми. Шу билан бирга унинг уч нафар фарзани бор экан… Натижада, у биз билан ишламади, биз эса енгил нафас олдик. Аммо, бундай ҳоллар кам учрайди, асосан, бизга қизиқарли шахслар мурожаат қилишади, кейинчалик ҳатто бизнинг дўстларимизга ҳам айланишаи.
Суҳбатни эркин мухбир Николай Данилов олиб борди.