Ֆրանսիայում և Մոնակոյում բնակարանները, տները և վիլլաները մեկի համար երազանք են, մյուսի համար` իրականություն, իսկ ինչ-որ մեկի համար էլ՝ պարզապես բիզնես: Մենք որոշեցինք պարզել, թե ինչ է կատարվում այսօր եվրոպական շուկայում, ինչպես են գործում արևմտյան գործակալությունները, ովքեր և ինչ են գնում: Մենք խոսեցինք անշարժ գույքի առաջատար եվրոպական բրոքերային ընկերություններից մեկի՝ ArendaLazur TM (Cofrance SARL)-ի տնօրեն Վիտալի Արխանգելսկու հետ:

– Վիտալի Դմիտրևիչ, երկու բառով պատմեք, թե ինչո՞վ է զբաղվում ArendaLazur TM (Cofrance SARL) ընկերությունը: Դուք աշխատու՞մ եք միայն Ֆրանսիայում, թե՞ ամբողջ Եվրոպայում:
– Մենք աշխատում ենք ամբողջ Եվրոպայում, բայց, իհարկե, Ֆրանսիան և Մոնակոն մեր առաջնահերթություններն են, քանի որ մեր գլխավոր գրասենյակը գտնվում է Նիցցայում: Ինչո՞վ ենք զբաղվում: Անշարժ գույքի բոլոր տեսակներով`մասնավոր, առևտրային, պարզ և էլիտար: Մենք ակտիվորեն աշխատում ենք օտարերկրացիների, մասնավորապես, ռուսաստանցիների հետ՝ օգնելով նրանց ընտրել և ձեռք բերել անշարժ գույքի օբյեկտներ, իսկ հետո` պահպանել և վարձակալությամբ տալ դրանք: Մենք տրամադրում ենք բոլոր ուղեկցող ծառայությունները՝ ներառյալ նաև իրավաբանական: Մենք լուծում ենք բոլոր հարցերը՝ կապված հարկերի, կոմունալ վճարումների, ապահովագրության հետ: Անհրաժեշտության դեպքում ձևակերպում ենք հիփոթեքային վարկ ընտրված երկրում: Բացի այդ, աջակցում ենք կացության կարգավիճակ ստանալու, բիզնեսի գրանցման, իսկ հետո՝ քաղաքացիություն ստանալու հարցում: Մարդիկ, ովքեր մշտապես չեն բնակվում Եվրոպայում, անվստահ են իրենց զգում օտար երկրում: Մեր խնդիրն է աջակցել նրանց ամեն ինչում, անել այնպես, որպեսզի առաջինից մինչև վերջին քայլը հաճախորդի համար հարմար լինի և նրան ոչինչ չմտահոգի:
– Դուք զբաղվու՞մ եք անշարժ գույքի վարձակալությամբ տրամադրմամբ:
– Այո, մեր մեկ այլ ուղղությունն է վարձակալությունը և դրա հետ կապված ամեն ինչ: Հանգստի և այլ նպատակների համար բնակարանների և վիլլանների, բիզնեսի համար առևտրային տարածքների, երկարաժամկետ բնակության համար բնակարանների վարձակալությամբ տրամադրումը ArendaLazur TM (Cofrance SARL) ընկերության աշխատանքն է, որը մենք հաջողությամբ իրականացնում ենք արդեն մոտ տասը տարի: Ֆրանսիայի և Մոնակոյի անշարժ գույքի օբյեկտների ողջ բազան մեր ձեռքում է: Եվրոպական այլ քաղաքներում մենք համագործակցում ենք անշարժ գույքի մեծ թվով առաջատար գործակալությունների հետ, և քանի որ մեր ընկերությունը բրոքերային ընկերություն է, մենք իրավունք չունենք հավելագին ավելացնելու, այսինքն, մենք առաջարկում ենք բնակարանները և տները սեփականատիրոջ հետ համաձայնեցված գնով, և նույնիսկ կարող ենք զեղչերի շուրջ բանակցել:
– Ի՞նչ է տեղի ունեցել Եվրոպայի անշարժ գույքի շուկայում 2018 թվականին:
– Եթե հաշվի առնենք շուկան ամբողջությամբ, ապա կարելի է ասել, որ Եվրոպայում անշարժ գույքի նկատմամբ պահանջարկն աճում է, և գները նույնպես բարձրանում են: Սակայն յուրաքանչյուր երկրում իրավիճակը տարբեր է: Որոշ տեղերում այն չի փոխվում արդեն մի քանի տարի է, իսկ որոշ տեղերում էլ ամեն տարի աճ է գրանցվում: Օրինակ, այս տարի Գերմանիայում բավականին կտրուկ աճեց հետաքրքրությունը բնակարանների նկատմամբ: Իսկ գները մոտ 6-8% -ով աճել են Պորտուգալիայում և Նիդերլանդներում, ընդ որում, ակնկալվում է, որ այս միտումը կշարունակվի:
Պահանջարկի առումով այսօր առաջատար են Իսպանիան, Իտալիան և Գերմանիան: Դա պայմանավորված է այն հանգամանքով, որ մի քանի տարի առաջ այնտեղ բնակարանների գները իջել էին 20-30% -ով: Հիմա նրանց գները բարձրանում են, բայց դանդաղ՝ միջինում տարեկան 2-4%-ով: Հետևաբար, այստեղ անշարժ գույք գնելը դեռևս բավականին շահավետ է:

– Իսկ ինչպիսի՞ն է իրավիճակը Ֆրանսիայում:
– Ֆրանսիայում պատկերը հակառակն է. մի քանի տարի առաջ բնակարանների գները սկսեցին կտրուկ աճել, հետո դա դադարեց: Անցյալ տարի դրանց արժեքը ընդհանրապես չի բարձրացել: 2018 թվականին գները աճել են մոտ 1.5-2% -ով, ինչը աննշան է, ուստի բնակարանների պահանջարկը մնում է բարձր: Փորձագետների կանխատեսումներով, Ֆրանսիայում անշարժ գույքի գները կշարունակեն դանդաղ, բայց կայուն կերպով աճել՝ տարեկան 0.5-2% -ով: Հետևաբար, այսօր բնակարանների մեջ ներդնելը շահավետ է, դա հուսալի ներդրում է:
– Կա՞ն արդյոք երկրներ, որտեղ տարիների ընթացքում անշարժ գույքի հետ կապված իրավիճակը համարյա նույնն է մնում:
– Այո, այդ երկրների շարքին կարելի է դասել Շվեյցարիային, Միացյալ Թագավորությանը կամ, օրինակ, Մոնակոյին, որտեղ մենք ակտիվորեն աշխատում ենք: Այդ երկրներում երկար ժամանակ է ինչ պահպանվում է անշարժ գույքի շուկային բնորոշ դանդաղ աճի դինամիկան` տարեկան 0.5-1.5%: Փորձագետների կանխատեսումներով այս իրավիճակը չի փոխվի: Կարծում եմ՝ ավելորդ է հիշեցնել, որ այս երկրներում անշարժ գույքի գները շատ բարձր են, օրինակ, Մոնակոն և Լոնդոնը այս չափանիշով երկար տարիներ է արդեն աշխարհի առաջատարների եռյակում են:
Ի դեպ, Ֆրանսիայում էլիտար անշարժ գույքը (շքեղ վիլլաներ, պալատներ, ամրոցներ) ավելի դանդաղ է թանկանում, քան բնակարանները կամ առևտրային տարածքները: Կարծում եմ, հետագայում այս տենդենցը կշարունակվի: Ամենից արագ գները աճում են Փարիզում, ոչ միայն ստուդիաներինը և փոքր բնակարաններինը, այլև շքեղ տներինը:
– Շահավե՞տ է արդյոք օտարերկրացու համար Եվրոպայում անշարժ գույք ձեռք բերելը, իսկ հետո այն վարձակալությամբ տրամադրելը: Ի վերջո, հարկերը և հատկապես կոմունալ վճարները այնտեղ շատ բարձր են:
– Իհարկե, շահավետ է և նաև հենց այդ պատճառով: Ֆրանսիայում գոյություն ունի բնակության հարկ հասկացությունը: Այն վճարում է բնակարանում տվյալ պահին ապրող անձը, հետևաբար, եթե բանակարանը վարձով է տրվում, ապա այդ ծախսերը հոգում է վարձակալը: Բոլոր կոմունալ վճարումները նույնպես սովորաբար կատարում են վարձակալները: Եվրոպական շատ երկրներում վարձակալության գները բավականին բարձր են: Հետևաբար, անշարժ գույքի սեփականատերը ցանկացած դեպքում շահում է, չնայած բոլոր պարտադիր վճարումներին: Օտարերկրացիների համար, ովքեր մշտապես չեն ապրում երկրում, վարձակալությամբ տրամադրումը հատկապես շահավետ է: Հակառակ դեպքում ստիպված պետք է վճարումներ կատարեք այն բնակելի տան համար, որը տարվա մեծ մասը չեք օգտագործում:
– Բայց այս պարագայում ստացվում է, որ եթե օտարերկրացին բնակարանը վարձով չի տալիս, ապա նրա համար Եվրոպայում բնակարան ձեռք բերելը շահավետ չէ:
– Ամեն ինչ իրավիճակից է կախված: Մեր փորձից ելնելով կարող եմ ասել, որ գրեթե չի եղել նման բան, որ օտարերկրացին բնակարան ձեռք բերելով այն չտրամադրի վարձակալությամբ և միևնույն ժամանակ ինքը չապրի այնտեղ: Ինչ-որ մեկը գնում է բնակարան, որպեսզի տեղափոխվի արտերկիր մշտական բնակություն հաստատելու համար, մեկ ուրիշը՝ ամռան հանգստի, իսկ մնացած ժամանակը այն վարձով տալու համար, իսկ ինչ-որ մեկին էլ անհրաժեշտ է տարածք բիզնեսի համար: Բայց այնպիսի տարբերակ, որպեսզի անձը բնակարան գնի, գա բնակվի մեկ շաբաթով իր արձակուրդի ժամանակ և հետո այն պարապուրդի մատնի, մեր պրակտիկայում չի եղել: Ի վերջո, ArendaLazur TM (Cofrance SARL) ընկերությանը դիմում են հենց այդ նպատակով, որպեսզի մենք սեփականատիրոջ բացակայության դեպքում վերահսկենք անշարժ գույքը և ապահովենք ստաբիլ եկամուտ: Եթե տարվա ընթացքում միայն մեկ ամսով է վիլլա կամ բնակարան անհրաժեշտ լինում, ապա այն պարզապես վարձակալում են և այդ հարցում էլ միշտ պատրաստ ենք օգնելու:
Առավել հաճախ Եվրոպայում անշարժ գույք գնում են հարուստ մարդիկ և պարզ է, որ ոչ «վերջին գումարով»: Նրանց նպատակն է հուսալի և շահավետ կերպով ներդնել իրենց միջոցները: Նման մարդիկ ձգտում են ձեռք բերել բնակարան, որը արդյունքում կավելացնի իր գինը, երբեմն նրանք գնում են այն դեռևս շինարարության փուլում: Հետագայում, երբ բնակարանի գինը ավելանում է, նրանք այն հաջողությամբ վաճառում են: Իսկ եթե նրանք այդպիսի նպատակ չունեն, ապա այն ժառանգությամբ տալիս են իրենց երեխաներին: Դա ավելի հուսալի է, քան բանկային հաշիվները, հատկապես, եթե խոսքը վերաբերվում է Ռուսաստանին:
– Ռուսաստանից շա՞տ հաճախորդներ ունեք:
– Քանի որ մեր աշխատակազմում շատ են ռուսախոս աշխատակիցները և ես ինքս երկար տարիներ ապրել եմ Սանկտ-Պետերբուրգում, ապա Ռուսաստանից և նախկին ԽՍՀՄ երկրներից հաճախորդներին մենք միշտ առանձնահատուկ ուշադրություն ենք դարձնում: Մենք ունենք շատ կայքեր ռուսերեն լեզվով, գրասենյակներ Մոսկվայում, Սանկտ-Պետերբուրգում, Ալմա Աթայում, Կիևում, Մինսկում, մի քանի այլ Բալթյան երկրների քաղաքներում, Ռուսաստանի Դաշնության տարբեր շրջաններում ունենք նաև ուղիղ կապ ապահովող հեռախոսահամարներ, հուսալի գործընկերներ, որոնք անհրաժեշտության դեպքում միշտ պատրաստ են իրավական, հոգեբանական, խորհրդատվական աջակցություն ցուցաբերել:
Միևնույն ժամանակ, մենք նպատակ չունենք կենտրոնանալու միայն ռուս հաճախորդների վրա: Մեր բոլոր հիմնական կայքերն առնվազն երեք տարբեր լեզուներով են` ֆրանսերեն, ռուսերեն և անգլերեն, իսկ անձնակազմում ունենք անդամներ, ովքեր խոսում են իսպաներեն, իտալերեն, չինարեն, գերմաներեն և այլ լեզուներով: Հետևաբար, որևէ մեկին հասկանալու խոչընդոտներ, որպես այդպիսին չեն առաջանում և մեզ են դիմում մարդիկ շատ տարբեր երկրներից:
– Ինչպիսի՞ն էր 2018 թվականը Ձեր ընկերության համար:
– Կայուն և մոտավորապես այնպիսին, ինչպիսին ակնկալում էինք: Ֆրանսիայում բնակարանների նկատմամբ պահանջարկի գագաթնակետը անցյալ տարի էր, երբ անշարժ գույքի գները ժամանակավորապես «սառեցվել» էին: Այժմ դրանք մի փոքր բարձրացել են, բայց մարդիկ դեռ ուզում են բնակարան գնել, մինչ դրանց արժեքը ավելի չի աճել: Հետևաբար, տարին կարելի է համարել հաջողակ, աշխատանքը շատ էր, իսկ արդյունքում մենք ձեռք բերեցինք նոր մշտական հաճախորդներ և ընկերներ:
Ինչ վերաբերվում է վարձակալությանը, ապա այս տարի սովորականից ավելի քիչ զբոսաշրջիկներ են Ռուսաստանից եկել Ֆրանսիա հանգստանալու, ըստ երևույթին, դա պայմանավորված է երկրի տնտեսական վիճակով: Դա կանխատեսելով, մենք փորձեցինք կենտրոնացնել ուշադրությունը այլ երկրներից հաճախորդների վրա: Բայց քանի որ Լազուրային ափը ամենաշատը, բացի ֆրանսիացիներից, սիրում են հենց ռուսները, ապա չեմ կարող ասել, որ այս ուղղությամբ 2018 թվականը մեզ համար լավագույնն էր:
– Աշխատու՞մ եք արդյոք այն եվրոպական երկրների հետ, որտեղ անշարժ գույքն ավելի էժան է, օրինակ՝ Բուլղարիայի և Հունաստանի հետ:
– Ինչպես ասացի, մենք աշխատում ենք ամբողջ Եվրոպայում, այնպես որ Բուլղարիայում, Հունաստանում, Իսպանիայում և նույնիսկ Ֆինլանդիայում, որտեղ անշարժ գույքն համեմատաբար էժան է մենք նույնպես գործում ենք: Սակայն այնպես է դասավորվել, որ ArendaLazur TM (Cofrance SARL) ընկերությունը սկզբում ավելի հետաքրքիր էր այսպես կոչված VIP- հաճախորդներին, որոնք նախևառաջ չեն փնտրում էժան առաջարկներ, իսկ երկրորդ՝ գնահատում են ամբողջական աջակցություն ցուցաբերելու մեր մոտեցումը: Մեր հաճախորդը նա է, ով պարզապես չունի ժամանակ դիմելու տասը տարբեր կազմակերպություններին, հույս ունենալով գտնել ավելի էժան առաջարկ, խնայել իրավաբանի վրա, ինքնուրույնաբար վարձով տալ բնակարանը և այլն: Մեր հաճախորդը նա է, ով հանգամանորեն է ընտրում անշարժ գույքի օբյեկտը, համոզվում է, որ գնումը շահավետ է և հետո ամբողջ գործը վստահում է մեզ. գործարքի իրականացումը, ապահովագրությունը, հարկային հայտարարագրի լրացումը, վարձակալությամբ հանձնելը, կառավարող ընկերության վարձումը: Կամ էլ նա նպատակ ունի մեկնել Ֆրանսիա՝ մշտական բնակություն հաստատելու համար, գնել այստեղ բիզնես, և այդ հարցում էլ մենք նրան համակողմանիորեն օգնում ենք:

– Պատմեք այդ մասին ավելի մանրամասն: Արդյոք ճի՞շտ եմ հասկանում, որ Ձեր ընկերության գործունեությունը չի սահմանափակվում առևտրային տարածքի պարզապես միայն վաճառքով:
– Իհարկե, ոչ, և դրանում է մեր առավելությունը: Մենք տրամադրում ենք խորհրդատվական ծառայություններ, գնահատում ենք բիզնեսը ապագա շահութաբերության տեսանկյունից, օգնում ենք ընտրել և ձեռք բերել իսկապես լավ տարբերակ, ապահովում ենք ամբողջական իրավական աջակցություն: Այնուհետև օգնում ենք ստանալ կացության կարգավիճակ, կազմակերպել ողջ ընտանիքի տեղափոխությունը և լուծում ենք դրա հետ կապված ցանկացած հարց, մինչև ընդհուպ այն, թե երեխան որ դպրոցը կգնա, որ բժիշկը կբժշկի տատիկին և նույնիսկ այն, թե որ անասնաբույժը կսպասարկի շանը: Հաճախորդը կարող է վստահել մեզ ցանկացած խնդրի լուծում, և մենք կանենք ամեն ինչ, որպեսզի նա ոչնչի մասին չանհանգստանա և Ֆրանսիայում իրեն զգա ինչպես տանը:
– Այսինքն, Դուք ավելի շատ կենտրոնացած եք VIP-հաճախորդների վրա:
– Մեր ծառայությունները մեծ պահանջարկ ունեն հարուստ մարդկանց շրջանում: Այսպիսով, եթե խոսքը գնում է հանգստի մասին, ապա մենք ոչ միայն օգնում ենք բնակարան վարձակալել, այլ նաև տրամադրում ենք մի շարք ուղեկցող ծառայություններ. կազմակերպում ենք անհատական ծրագրով հանգիստ, որը կարող է ներառել ճանապարհորդություն զբոսանավով, ուղղաթիռային շրջագայություն, ինչ-որ երեկույթ կամ տոն: Մենք չունենք սահմանափակումներ, տուր փաթեթներ և շաբլոն միջոցառումներ: Ամեն ինչ կազմակերպվում է հաճախորդի ցանկությամբ: Եթե նա ցանկանում է, որպեսզի նրան դիմավորի լիմուզինը, իսկ վիլլայում ամբողջ օրը նվագի նվագախումբը, ապա մենք հեշտությամբ դա կարող ենք կազմակերպել:
Սակայն սա մեր գործունեության միայն մեկ ուղղությունն է: Մեր առաջարկների բազայում կան անշարժ գույքի մեծ թվով օբյեկտներ «միջին դասի» համար. մատչելի բնակարաններ, թաունհաուսներ ինչպես վարձակալության, այնպես էլ վաճառքի համար: Հետևաբար, եթե մարդը զանգահարում է մեզ և ասում, որ ուզում է վարձել ստուդիա մեկ շաբաթով ամենացածր գնով և ուրիշ ոչինչ, ապա մենք տրամադրում ենք նրան ամենաէժան առաջարկները ամբողջ Ֆրանսիայից կամ նշված տարածաշրջանից, օգնում ենք վարձակալության պայմանագիր կնքել, եթե անհրաժեշտ է և … ուրիշ ոչինչ: Այնուհետև նա ինքնուրույնաբար է տեղափոխվում, հանգստանում, աշխատում և զբաղվում այն ամենով, ինչ ծրագրել էր: Ցանկության դեպքում միշտ կարող է դիմել մեզ՝ խորհրդատվություն ստանալու համար: Եթե խոսքը չի գնում լիարժեք իրավական խորհրդատվության մասին, մենք սիրով այն անվճար կտրամադրենք: Այսպիսով այն, որ մենք աշխատում ենք միայն հարուստ խավի հետ, այնքան էլ ճիշտ չէ: Մենք աշխատում ենք բոլորի հետ և ցանկացածի համար կգտնենք այն, ինչ նա փնտրում է:
– Արդյոք Ձեր ընկերությունը ունի՞ այնպիսի մի հատուկ ծառայություն, որը սովորաբար չեն տրամադրում անշարժ գույքի գործակալությունները:
– Ես կպատասխանեմ հետևյալ կերպ. ցանկության դեպքում մենք պատրաստ ենք հաճախորդին մատուցելու ցանկացած ծառայություն, որը սովորաբար չեն տրամադրում անշարժ գույքի գործակալությունները՝ իհարկե չանցնելով օրենքի և պատշաճության սահմանները: ArendaLazur TM (Cofrance SARL) ընկերության համար «անհատական մոտեցում» արտահայտությունը, որը հիմա նորաձև է ցանկացած գովազդային հայտարարության մեջ մտցնել, դատարկ արտահայտություն չէ: Մենք իսկապես տալիս ենք մեր հաճախորդներին լիարժեք ազատություն ընտրության հարցում և լուծում ենք այն բոլոր խնդիրները, որոնք նրանք մեր առջև դնում են: Ռեստորանում ընթրիք, ձիով զբոսանք, համերգի տոմսեր. ինչու չհամատեղել այս ամենը անշարժ գույքի ընտրության գործընթացի հետ:
Եթե խոսենք այնպիսի ծառայություններից, որոնք վերաբերվում են հենց «բուն գործին», ապա մենք, օրինակ, կազմակերպում ենք ուղղաթիռով անշարժ գույքի օբյեկտների այցելություն: Ենթադրենք՝ պատվիրատուն ցանկանում է տեսնել տասը օբյեկտ, որոնք միմյանցից շատ հեռու են գտնվում և դրա համար ունի ընդամենը երկու օր: Մենք վարձակալում ենք ուղղաթիռ և հեշտությամբ լուծում ենք այդ խնդիրը: Կամ էլ նա մի քանի բնակարան է ընտրել նույն քաղաքում, սակայն ցանկանում է ամբողջությամբ գնահատել ենթակառուցվածքները: Բարձրությունից հստակ երևում է շենքի իրական դիրքը, թե ինչ կա մոտակայքում, նրա հեռավորությունը ծովից: Մեր խորհրդատուն, ով կթռչի նրա հետ, կպատմի և ցույց կտա ամեն ինչ:
Առաջին հայացքից այս ծառայությունը կարծես մի տեսակ «անհավանական» է թվում: Բայց բոլորը հաճախորդները, առանց բացառության, ովքեր նման թռիչներ են կատարել ուղղաթիռով, շատ գոհ են մնացել: Նրանք ասում էին, որ դժվար է կողմնորոշվել օտար քաղաքի փողոցների, շենքերի բազմության մեջ: Ուղղաթիռով ամեն ինչ տեսանելի է և մեծ քաղաքների համար դա հատկապես ակտուալ է: Կարելի է լուսանկարներ անել և հետո դրանք հանգիստ ուսումնասիրել: Եթե ինչ – որ բան մոռանաք, ապա ArendaLazur TM (Cofrance SARL) անձնական մենեջերը կհիշեցնի Ձեզ: Կարծում եմ, որ Դուք ցանկանում էիք նման բան լսել, երբ հարցնում էիք ոչ ստանդարտ ծառայությունների մասին:

– Ճիշտ է: Ասացեք, իսկ գալիք տարվա համար ունե՞ք ինչ-որ ծրագրեր:
– Մենք սովորություն չունենք նախօրոք տարվա համար ծրագրեր կազմել: Եթե հայտնվում է հետաքրքիր կամ օգտակար գաղափար, ապա մենք սկսում ենք գործել անմիջապես: Փորձը ցույց է տալիս, որ ծրագրերը, որոնք հետաձգվել են, որպես կանոն, կամ բոլորովին չեն իրականացվում կամ հաջողություն չեն բերում: Ուղղակի կան բաներ, որոնց վրա մենք ներկայումս աշխատում ենք:
Ժամանակակից տեխնոլոգիաների դարաշրջանում շատ կարևոր է, որպեսզի ընկերությունը ունենա հարմար կայքեր, որոնք օգնում են մարդկանց արագ ստանալու անհրաժեշտ ողջ տեղեկատվությունը: Պատկերացրեք, թե միայն Ֆրանսիայի անշարժ գույքի շուկայում ինչքան օբյեկտներ կան: Հարյուր հազարավոր: Եվ դրանց հետ կապված իրավիճակը անընդհատ փոխվում է. մեկը վաճառվում է, մյուսը հայտնվում է: Երբեմն լինում են գովազդային նպատակներով կեղծ առաջարկներ և դեռ անհրաժեշտ է համոզվել, որ նման տուն իսկապես գոյություն ունի: Մենք աշխատում ենք միայն հուսալի գործընկերների հետ և մշտապես թարմացնում ենք մեր բազան: Մենք աշխատում ենք մեկ հայտարարությունում մաքսիմալ տեղեկատվություն ներկայացնել, մենք պահանջում ենք հավելյալ լուսանկարներ, տեսանյութեր, գործին վերաբերող նկարագրություններ, այլ ոչ թե պարզապես «սա գեղեցիկ բնակարան» է:
Եվրոպայում լավ է այն, որ ոչինչ չի արվում «մութ» ձևով, եթե մարդը տուն է վաճառում, ապա դա անում է օրինական կերպով՝ իրավաբանի, նոտարի մասնակցությամբ, բայց միևնույն ժամանակ կեղծ գովազդային հայտարարություններ նույնպես լինում են: Այս ամենից գլուխ հանելը հեշտ չէ, իսկ դրա համար աշխատում են մեր մասնագետները: Մենք ձգտում ենք, որպեսզի մեր կայքերում լինեն միայն թարմացված հայտարարություններ, որպեսզի մարդիկ իզուր չծախսեն իրենց ժամանակը: Եվ սա այն խնդիրն է, որը ամենօրյա աշխատանք է պահանջում: Կարևոր է նաև տրամադրել տեղեկատվություն այս կամ այն երկրում բնակարանի գնման առանձնահատկությունների մասին, ինչպես նաև ինչպիսի հարկեր պետք է վճարվեն և ինչքան կկազմեն դրա պահպանման ծախսերը: Այս ամենի մասին կարող եք կարդալ մեր կայքերում, ինչը շատ հարմար է «հեռակա» գնորդների համար:

– Այսինքն, Դուք կարծում եք, որ կայքերը որոշիչ դեր են խաղում գնորդի համար:
– Ոչ որոշիչ, բայց նշանակալի: Յուրաքանչյուր գնորդի համար կայքը, դա միայն առաջին ծանոթությունն է բնակարանի հետ, առաջին տպավորությունը: Այնուհետև նա կապ է հաստատում մեզ հետ և հազար հարց է տալիս: Իհարկե, միանգամից բոլոր հարցերի պատասխանները տալ անհնար է: Բայց դա այն դեպքը չէ, երբ տեղին է ասել «եկեք և տեսեք», քանի որ օտարերկրացին կորոշի ժամանել միայն այն ժամանակ, երբ նա կհամոզվի, որ բնակարանը իդեալականորեն համապատասխանում է իրեն: Մեր խնդիրն է անել այնպես, որ նա գոհ մնա: Մենք միշտ ընտրում ենք մի քանի պահեստային տարբերակներ և փորձում ենք ունենալ նաև լրացուցիչ այլընտրանքային առաջարկներ: Մենք գործակալություններից և սեփականատերերից պահանջում ենք, որպեսզի նրանք մեզ տան բոլոր հարցերի պատասխանները և մաքսիմալ տեղեկություն, նախքան այցի կկազմակերպումը և չաշխատեն «միայն, թե վաճառվի» սկզբունքով:
Անշարժ գույքի օբյեկտների ընտրությունը հսկայական է, շատ կարևոր է հասանելիություն ունենալ բոլորին, կիրառել անհրաժեշտ զտիչները և անմիջապես ազատվել ավելորդներից: ArendaLazur TM (Cofrance SARL) ընկերության ծրագրավորողներն ու այլ աշխատակիցները ձգտում են որոնման համակարգերը կատարելության հասցնել: Մեր օրերում դա լիովին հնարավոր է, բայց այդքան էլ հեշտ չէ: Սա այն է, ինչ մենք արդեն ունենք, և այն, ինչի վրա դեռ պետք է աշխատենք: Հաճախորդները հիմնականում օգտվում են այն կայքերից, որոնք նրանց համար հարմար են. որտեղ և նրանք և մեր մասնագետները կարող են արագ գտնել հարմար տարբերակը: Նման կայքեր ունենալը մեծ առավելություն է, քանի որ գները և առաջարկները ամեն տեղ նույնն են, բայց լավ, արագ կայքը հազվադեպ բան է:

– Ո՞րն է եղել Ձեր ընկերության կողմից իրականացված ամենամեծ գործարքը նրա գոյության ողջ ընթացքում:
– Մոնակոյում գտնվող բազմամակարդակ բնակարանը նորակառույցում, որն արժեր մոտ 90 մլն եվրո: Այժմ այն արժե 115 միլիոնից ավելի:
– Արդյոք այս տարի եղե՞լ է ինչ-որ դեպք, որը հատկապես հիշվել է:
– Ուզբեկստանից մի կին մի ամբողջ շաբաթ Մոնակոյի բնակարանների հետ կապված մեզ հարցեր էր ուղղում: Իսկ հետո պարզվեց, որ նրան ուղղակի բնակարան է անհրաժեշտ Մակաոյում, այսինքն՝ Չինաստանում: Բացի այդ կար մի հետաքրքիր հաճախորդ, որը ընտրում էր բնակարանները մեկ չափանիշով. կհամապատասխանեն արդյոք դրանք իր երկու «գերազնվացեղ» կատուներին: Միևնույն ժամանակ պարզվեց, որ նա երեք երեխա ունի … Արդյունքում նա մեզ հետ չաշխատեց, իսկ մենք նույնիսկ թեթևացած շունչ քաշեցինք: Բայց նման դեպքերը շատ հազվադեպ են, հիմնականում մեզ դիմում են շատ հետաքրքիր մարդիկ, իսկ հետո նրանք դառնում են մեր ընկերները:
Զրույցը վարում էր անկախ լրագրող Նիկոլայ Դանիլովը: