თუ გსურთ უძრავი ქონების ყიდვა საფრანგეთის ლაჟვარდოვან სანაპიროზე, და შეაჩერეთ თქვენი არჩევანი ქალაქ კანზე, წარმოგიდგენთ როგ ყველაზე მოთხოვნად ადგილს ქალაქში სავარაუდო ღირებულების ორიენტირით.
კანი, ფრანგული რივიერის ერთერთი ყველაზე ცნობილი და შთამბეჭდავი ლოკაცია, ცნობილია თავისი გრძელი ოქროსფერი პლიაჟებით, კრისტალურად სუფთა ცისფერი წყლით, გლამურული კინოფესტივალითა და მიმზიდველი ისტორიული რაიონებით, ისეთებით, როგორიცაა le Suquet და ძველი პორტი (vieux port).
ნათელი ქალაქი, რომელიც ასხივებს განსაკუთრებულ, აღმგზნებ ატმოსფეროს, იზიდავს მათ, ვინ მიჩვეულია საუკეთესოს. მაგრამ როდესაც საუბარია კანში შესაბამისი უძრავი ქონების მოძებნაზე, როგორი რაიონი უნდა გამოვყოთ და როგორ განვსაზღვროთ პრიორიტეტები? წარმოგიდგენთ რიგი ყველაზე პოპულარული რაიონის მოკლე მიმოხილვას მათთვის, ვისაც სურს უძრავი ქონების ყიდვა საფრანგეთის ლაჟვარდოვან სანაპიროზე.
ჩადეთ ინვესტიცია ქალაქის შუაგულში
უნიკალური შესაძლებლობა იხსნება ექსკლუზიურ რაიონში ქალაქის შუაგულში – PradoRepublique-სა და Californie Pézou-ს შორის – აქ თქვენ შეგიძლიათ იპოვოთ განსაკუთრებული სახლი, რომელშიც იქნება საცხოვრებელი სახლი ოჯახისთვის შვიდი საძინებლით და სადარაჯო ჯიხურით. ეს სიმდიდრე იკავებს თითქმის 20 000 კვადრატული მეტრ მიწის ნაკვეთს. თაფლისფერი ფერის დიდებული ნაგებობა განლაგებულია ეგზოტიკურ პალმებსა და მსხმოიარე ხეხილს შორის, ხოლო აუზი და ღია ტერასები მოგცემენ საშუალებას დატკბეთ უმშვენიერესი ნავსადგურით და განმარტოებულად მიიღოთ მზის აბაზანები.
შიგნით – ტრადიციული დეკორი, გრანდიოზული, მაგრამ სტილის მქონე; დამატებითი ღირებულების გადახდის შემთხვევაში შეგიძლიათ მოელაპარაკოთ მესაკუთრეს, რომ ავეჯი გახდეს გარიგების ნაწილი. სახლი, რომელიც განლაგებულია კრუაზეტის სანაპიროდან 15 წუთის სავალზე – ეს არის ლაჟვარდოვან სანაპიროზე უძრავი ქონების ყიდვის იშვიათი შესაძლებლობა, თანაც საკურორტო ცხოვრების ეპიცენტრში.
არ იფიქროთ, რომ მსგავსი ობიექტები დიდი ხნის წინ წავიდა ბაზრიდან, მაგრამ, რა თქმა უნდა, ხშირად ისინი იყიდება კერძო წესით, ღია ბაზარზე გაუსვლელად. რა თქმა უნდა, ფასების დიაპაზონისთვის უნდა მოემზადოთ წინასწარ, რადგანაც აპარტამენტები კრუაზეტის ბულვარზე (Promenade de la Croisette) საშუალოდ იყიდება 8300 ევროდ ერთი კვადრატული მეტრი, ხანდახან კვადრატული მეტრის ფასი ადის 14 500 ევრომდე. რა უცნაურიც არ უნდა იყოს, მაგრამ კვადრატული მეტრის ღირებულება ცალკე მდგომ სახლებში უმნიშვნელოდ, მაგრამ მაინც ითმობს ბინების ღირებულებას. ასე, სტატისტიკურად, ცალკე მდგომი სახლი იყიდება 4 700 – 12 600 ევროდ (საშუალოდ 7 200 ევრო/კვ.მ.).
არასტანდარტული შეხედულება პოპულარულ კვარტალზე Super Cannes
Super Cannes – კანის ერთერთი ყველაზე პრესტიჟული რაიონია, და ვინაიდან იგი განლაგებულია გორაკებზე, საცხოვრებელი აქ განთქმულია თავისი თვალწარმტაცი ხედებით. აქ დღემდე შეიძლება ფართო ვილების პოვნა ხუთი-შვიდი საძინებლით, ლანდშაფტური ბაღებით, პანორამული აუზებით, სახლის კინოთეატრით და ფართო ტერასებით. ხედებს ლურჯ ნავსადგომზე და სიმწვანეში ჩაფლულ გორაკებზე შესაბამისი ფასი აქვთ – საშუალოდ 6000 ევრო კვადრატული მეტრი. ვისაც სურვილი აქვს შეიძინოს ექსკლუზიური უძრავი ქონება საფრანგეთში, ელიტარულ ვილაში მოუწევს 3,5-5 მილიონი ევროს გადახდა.
დასავლეთი – საუკეთესო Croix des Gardes-ში
ქალაქის ცენტრიდან დასავლეთისკენ განლაგებული Croix des Gardes წარმოადგენს ლამაზ საცხოვრებელ რაიონს, რომლის ძირითად უპირატესობებად ითვლება სარფიანი გეოგრაფია. კვარტალი განლაგებულია სულ რაღაც ხუთი წუთის სავალზე ძველი პორტიდან და ფესტივალების სასახლიდან (Palais des Festivals), და სულ რაღაც ათი წუთის სავალზე უახლოესი პლიაჟიდან. ეს არის ერთერთი ყველაზე მოთხოვნადი რაიონი საცხოვრებლად – ადგილობრივი საცხოვრებელი ძალიან პოპულარულია, ესე იგი იდეალურად მოუხდება მათ, ვინც ეძებს ლიკვიდურ უძრავ ქონებას საფრანგეთის ლაჟვარდოვან სანაპიროზე.
პრესტიჟული ვილა ექვსი საძინებლით, აშენებული 1970-იან წლებში ინდივიდუალური დიზაინერული პროექტით, საუნითა და აუზით, არაჩვეულებრივი ხედებით, რომლებიც იხსნება არაჩვეულებრივი ერკერებიდან, ღირს 3,78 მილიონი ევრო.
უნიკალური შესაძლებლობები რაიონში Californie
ისევე, როგორც ლოს-ანჯელესის გორაკები ცნობილია თავისი განსაკუთრებულობით, რაიონი Californie – არის კანის ექვივალენტი რომელიც გთავაზობთ უძრავ ქონებას სუპერ-კანთან ერთად, ქალაქის ყველაზე სანდომ რაიონებში. Basse Californie – რაიონის ქვედა ბოლოა, ეს კი ნიშნავს ფეხით გასეირნების შესაძლებლობას კრუაზეტის სანაპირომდე. ესოდენ ნიშნიანი ობიექტის სიახლოვე ანიჭებს საცხოვრებელს უფრო მაღალ გასაქირავებელ პოტენციალს, განსაკუთრებით ყველაზე პრესტიჟული ღონისძიებების ჩატარების დროს, ისეთების, როგორიცაა ყოველწლიური ფესტივალი.
ვილა პროვანსის სტილში ერთერთ ყველაზე მოთხოვნად რაიონში Basse Californie, ეგზოტიკური მცენარეებით სავსე მოვლილ ლანდშაფტურ ბაღებს შორის, ხედით ზღვაზე და კანის ცენტრზე, ღირს დაახლოებით 2 მილიონი ევრო. ხშირად ასეთ ობიექტებს აქვთ კერძო აუზები და დიდი ტერასები, სადაც შეგიძლიათ ისიამოვნოთ სიწყნარით და დაისვენოთ ქალაქის ხმაურისგან მოშორებით, ამასთან პლიაჟები, მოხერხებულობა და ნებისმიერი გართობა სულ რაღაც ხუთი წუთის სავალზე იქნება. დღეისათვის კანში ექსკლუზიური უძრავი ქონების ყიდვის შესაძლებლობა გააჩნია ერთეულ მყიდველებს.
ოლღა შოშინა