Кань-сюр-Мерден батир табуу

Кань-сюр-Мердеги мейманканалар картадан

Кань-сюр-Мер (фр.Cagnes-sur-Mer) — Франциядагы Көгүлтүр Жээктин эң кызытуу, өзүнө тартып турган жана жагымдуу курорту,  ал Ниццага учак менен учуп келээр менен эле көрүнөт. Учуп жана конуп жаткан учурда Кань-Сюр-Мердин кооз көрүнүшү ачылат. Шаар Франциянын Ривьерасына келген ар бир конокту жашыл жаратылышы жана таза деңизи менен тосуп алууга дайым даяр. Шаар узатасынан эки тарапты көздөй созулган: деңиз бою менен төрт километрге жана Ниццадан алыс эмес аралыкка.

Шаардын илгерки жана борбордук бөлүгү деңизден алыс жайгашкан,  ал жерден тегеректеги айлананын  укмуштуудай таң калыштуу көрүнүшү ачылат —  улуу Альп тоолору, кереметтүү  Ницца жана албетте чексиз деңиз дагы.

“Бийик Кан ” өзүнүн орто кылымдагы архитектуралык эстеликтери менен мурунку  шаардын тарыхын чагылдырып турат. Ал эми ошол эле учурда, ”Cros-de-Cagnes” азыркы замандын “жүзү ” болуп саналат —  бул эс алуу үчүн көп орундуу, усталардын дүкөндөрү,  жайлуу кафелер жана ресторандары бар эң сонун жер болуп саналат.

Шаардын жашоо  борборун Кань-сюр-Мердин жээги ээлейт  — бул ар кандай форматтагы иш-чараларды, фестивалдарды, көргөзмөлөрдү жана укмуштудай кооз оюн-зоокторду бат-баттан өткөрүп туруучу жер  болуп саналат. Бул жер Ниццагадагыдай эле, эл өтө көп жайгашкан жер болуп саналат.

Кань-сюр-Мердин тарыхый мурасы

Франциядагы Көгүлтүр Жээктин башка шаарлары сыяктуу эле, археологдор  Кань-сюр-Мерден Рим империясынын жана байыркы гректердин заманынан   калган көптөгөн өтө баалуу тарыхый табылгаларды көп табышат — алар кумаралар, үй идиш-аяктары, үй жасалгалары, кооздуктар, вино жасоо үчүн жана оливка майын өндүрүрүү үчүн колдонулуучу куралдар.

Бул шаардын аты өтө кызыктуу —  анын аты Монаконун белгилүү князынын урпагынан калган  — Жана-Анри Гримальди, аны эл арасында жөн гана «барон де Кань» деп атап коюшчу. Бул барон  XVII кылымда Франциянын колдоосун алган жана падышага ант берген. Кань-сюр-Мердин аймагында барон чоң хан сарай курган. Анын ичинде,  ал жана анын урпактары Франциянын Улуу революциясынын башталышына чейин ыракатта жашашкан. Революциядан кийин падыша жана анын урпактары куугунтуктоого алынган. Кароосуз калган хан сарайга кызыкдар болгон адамдар тарабынан  сатылып алынган жана оңдоп түзөө иштери жүргүзүлгөн (фр. Chateau Grimaldi). Азыркы учурда, Гримальди хан сарайынын дубалдарында эки көргөзмө жайгашкан —  биринчиси олив майын өндүрүү боюнча, экинчиси кабареге арналган. Анын жылдыздарынын портреттери хан сарайдын бир эле дубалын ээлебейт.

Башында Кань-сюр-Мер кеме токтоочу жер болчу. Бул жерлерде өзүлөрүнүн учтуу тумшуктары менен айырмаланган көптөгөн кайыктар “токтоочу”. Аларды “cagnes” деп атап коюшчу. Ушунун себебинен улам шаардын аты келип чыккан.

Деңиздин кооз көрүнүшү жана Кань-сюр-Мердин сулуу жаратылышы илгертеден эле чыгармачыл кесип адамдарын, импрессионист усталарды өзүнө тартып турган. Анын ичинде,  эң биринчиден Огюста Ренуарады атоо туура болот. Улуу сүрөтчү бул жерге көчүп келгенден кийин, кооз Кань менен кош айтыша алган эмес. Ал бул жерде 12 жыл өмүр сүрдү жана Франциядагы кереметүү Көгүлтүр Жээкте каза болду. Бул жерден Ренуар өзүнүн чыгармачылыгы  үчүн көптөгөн боёкторду жана ойлорду тапты.

Кань-сюр-Мерде белгилүү сүрөтчүнүн (фр. Musee Renoir)  олив жана цитрус бактарынын арасында жайгашкан Үй-музейи бар. Улуу сүрөтчүнүн чыгармачылыгын кадырлоочулардын бардыгына  анын устаканасын, андагы күнүмдүк жашоодо колдонулуучу буюдарды жана анын эмгектерин көрүү кызыктуу болот.  Музей 2013- жылы жаңыланган.

Ницца менен кошуна болуу

Кань-сюр-Мер деңизди, ысык күндү эңсегендер үчүн жана  кубаныч шаңы жок жашай албагандар үчүн жагымдуу жана сүйкүмдүү жер болот.

Деңиз жээгиндеги өтө чоң эмес шаар кошуна ызы-чуу  “Ниццага”  караганда тынч жай болуп көрүнөт.  Канды шашпастан, тынч, аз туристтүү жерге эс алууну баалагандар жакшы көрүшөт.Бул курортту такыр эле тынч деп атоого дагы болбойт — борбордук сейилдөөчү жол менен катарлаш машине өтүүчү жол бар.

Кань-сюр-Мер көп сандаган деңиз жээгиндеги мейманканалары менен мактана алат, ага  Nemea Residence de Lido  мисал боло алат.

Кань-сюр-Мердин жээгин Ниццанын жээгине окшоп майда таштар каптап турат.

Башка көңүл ачуулардын ичинен Terrazur казиносу жана Көгүлтүр Жээктин ат чабуучу жери бар.

Кань-сюр-Мерден ээрикпейсиз!

Compare

Enter your keyword