Францияда апартаменттерди табуу

Апартаменттер картада:

Францияда ижарага батир алуу

Франциянын Көгүлтүр Жээгиндеги эс алуу өзгөчө болушу жана эсте калышы үчүн ижарага апартамент алган оң. Мындайда, кыймылсыз мүлктү сатып алуусуз, өзүңүздү бул бейиште жайлуу сезе аласыз. Францияда ижарага кыймылсыз мүлк алуу шөкөттүү Жер ортолук деңиз жээктерин, көгүлтүр деңизди, жаркыраган күндү мүмкүн болушунча толук баалоого мүмкүндүк берет.

Көгүлтүр Жээкте ижарага деңизге караган вилла, шөкөттүү батир алууга болот. Таза жана тыкан вилла эки бассейни, теннис корту, эксклюзивдүү жасалгасы, жайлуулугу менен кубандырат жана толук обочолонууну кепилдейт. Апартаменттер Канн адырларында, зейтун токойлорунун арасында болгон күндө да, кечинде фешенбелдүү ресторанга барып, жээкте сейилдөө мүмкүнчүлүгү бар.

Деңизден бир нече километр аралыкта жайгашкан жайлуу, тынч прованс шаарчасынын турак жай комплексинде батир, анын ичинде люкс класстагы батир ижарага алууга болот. Бюджет чектелген болгон күндө да, Көгүлтүр Жээкте ижарага кыймылсыз мүлк алуу мүмкүн. Болгону, бул маселе менен эртерээк алектениңиз, жана кызыктуу сунуш сөзсүз чыгат.

Ижарага турак жай алуу бай адамдардын бейиши болгон бул жерде өзүңүздү кадырлуу сезүүгө, жайлуу шарттарда мыкты эс алууга мүмкүндүк берет. Мындан сырткары, турак жайды ижарага алуу отель же мейманкага караганда арзаныраак болот.

Ижарага берүү

Францияда кыймылсыз мүлктү ижаралоо Россиянын тургунун эки башка аспектте кызыктырышы мүмкүн. Мүмкүнчүлүгү барлар батирлерди же үйлөрдү жеке колдонуу үчүн алышат, ал эми башкалар аларды ижарага беришет, жана өтө чоң эмес, бирок туруктуу киреше алышат.

Мындай бизнестин кирешелүүлүгү кыймылсыз мүлктүн жайгашкан жерине жана керектөөчүлүк сапаттарына – жайлуулугуна, өлчөмүнө, планировкасына, наркына жана башка факторлорго көз каранды. Ижарага берүү кыймылсыз мүлктү сатып алууга кетирген каражаттарды, же, эгер ал насыяга алынган болсо – ипотеканы актабай калган жагдайга түшүп калбаш үчүн, ижарага берүү үчүн объектини сатып алууда, суроо-талапты эске алуу менен, районду кылдаттык менен тандоо керек.

Бизнестин гүлдөөсү үчүн турак жайдын ошол райондо талап кылынган түрүн да тандоо зарыл. Францияда узак мөөнөт жашоо үчүн, батирлерди негизги ишканалар жана окуу жайлары жайгашкан, шаар борборуна жетүү оңой болгон райондордо ижарага алуу эң эле оң. Туруктуу жашоону пландаштырган ижарачы мыкты жабдылган жайлуу ашканасы, кенен конок бөлмөсү, ыңгайлуу уктоо жана ванна бөлмөлөрү менен батир издейт.

Эс алуу мезгилине турак жай издегендер Көгүлтүр Жээкте же Альпыларда кыймылсыз мүлктү ижарага алууну артык көрүшөт. Алар үчүн деңизге же аркан жолго жакындык, уктоочу жана чайкануучу жайлардын жана ажатканалардын саны маанилүүрөөк.

Ижарага берүү үчүн батирлерди, курулушу бүтө элек баскычтарда, баалар өсүп баштай электе алуу эң пайдалуу. Мындайда, сарпталган каражаттар бир кыйла эртерээк акталат.

Францияда кыймылсыз мүлктү ижарага берүү жана ижарага алууну россиялык жана франциялык агенттиктер жана башкаруучу компаниялар аркылуу ишке ашырууга болот, алар мындай бүтүмдүн эки тарап үчүн тең мүмкүн болушунча пайдалуу болушуна жардам берет.

Францияда узак мөөнөткө ижарага алуучулардан бир нече ай жашоонун наркына барабар болгон кепилдик салымы алынат, ал эми эс алуу мезгилинде жашагандардан – келишим боюнча, ички жасалгалоо буюмдарынын, эмеректин жана техниканын наркына жараша төлөм алынат. Эгер ижарага алуучу жумушу жөнүндө документти же башка каржылык кепилдиктерди көрсөтө албаса, андан жарым жылга алдын ала төлөөнү сурашат же анын банк эсебинде бир жылдык ижаранын суммасына барабар сумманын тосмолонушу жөнүндө макулдашышат. Кээ бир учурларда кепил болуп берүүчүнүн кепили кабыл алынат, ал, ижарачы төлөй албай калган учурда, каржылык милдеттенмелерди өзүнө алат.

Францияда кыймылсыз мүлктү ижарага алуу келишиминде ар ай сайын төлөө каралган. Агенттиктин комиссиясы бир айлык төлөмдүн 20%ынан 100%ына чейинди түзөт. Таң калыштуу, бирок Францияда ижарага алуучулардын жана ижарага берүүчүлөрдү даректерин арзан баада, эч кандай кепилдиксиз берген агенттиктер бар. Ошондуктан, чоң комиссия эки тарап тең турак жайга киргенге чейин коштолот дегенди билдирет. Зарылчылыкка жараша, бүтүм андан ары да коштолушу мүмкүн, мисалы, ижара акысын берүү жана кабыл алуу, ижара объектинин сакталышын мониторингдөө, административдик маселелерди чечүү.