აპარტამენტების მოძიება კან-სურ-მერში

სასტუმროები კან-სურ-მერში რუკაზე

კან–სურ–მერი (ფრ.Cagnes–sur–Mer) — ძალიან საინტერესო, მიმზიდველი და სასიამოვნო კურორტია ლაჟვარდოვან სანაპიროზე საფრანგეთში, რომელიც გამოჩნდება  იმწამს, როგორც კი დაეშვებით თვითმფრინავით ნიცაში. საქმე იმაშია, რომ აეროპორტი მისი ასაფრენი და დასაჯდომი „ბილიკებით“ განლაგებულია სწორედ ისე, რომ იშლება თვალწარმტაცი ხედი კან-სურ-მერზე. და ქალაქი მზად არის მიიღოს ყოველი ჩამოსული სტუმარი ფრანგულ რივიერაზე  სიმწვანის ხასხასა ფერებით და ანკარა ზღვით. ქალაქი გადაჭიმულია ერთდროულად ორი მიმართულებით: პლაჟის ხაზის გასწვრივ დაახლოებით ოთხ კილომეტრზე და ზევით მაღლობებზე მოკლე მანძილზე თვალისმომჭრელი ნიციდან.

კან-სურ-მერი— ეს არის ქალაქი ძალიან ლამაზი ჯვრისმაგვარი განლაგებით, ვიზუალურად იგი იყოფა  ზღვისპირა ზონად — Cros-de-Cagnes ფართო და თვალწარმტაცი სანაპიროთი მშვიდი სეირნობისთვის ზღვის გასწვრივ და ე.წ.  «საცხოვრებელი» და დასახლების ისტორიულ ნაწილად — Haut-de-Cagnes, «მაღალი კანი» მდიდრული ვილებითა და საცხოვრებელი სახლებით, რომლებიც მდებარეობენ მთებში, მაღლობზე. ქალაქის ყველაზე უძველესი და ცენტრალური ნაწილი მდებარეობს ზღვიდან დაშორებით, საიდანაც იშლება არაჩვეულებრივი ხედი მეზობელ მიდამოებზე— დიდებულ ალპებზე, თვალისმომჭრელ ნიცაზე და, რა თქმა უნდა უკიდეგანო ზღვაზე.

«მაღალი კანი» წარმოადგენს ქალაქის ისტორიული წარსულის ანარეკლს მისი შუასაუკუნოვანი არქიტექტურული ძეგლებით, იმ დროს როდესაც Cros-de-Cagnes გამოდის თანამედროვეობის «სახედ» —ეს მშვენიერი სანაპიროა მრავალრიცხოვანი დასვენების ადგილებით, მყუდრო კაფეებით, ხელოსნების დუქნებით და დახვეწილი სამზარეულოს რესტორნებით, რომელთა ინტერიეიც ხშირ შემთხვევაში ძალიან თამამია.

ქალაქის ცხოვრებაში ცენტრალურ ადგილს იკავებს მშვენიერი სანაპირო კან- სურ-მერში — ეს არის მოედანი სხვადასხვა ფორმატის ღონისძიებების ჩასატარებლად, ფესტივალების და გამოფენების, ფეერიული შოუების, რომლებიც იმართება აქ წელიწადის ნებისმიერ დროს. ისევე როგორც ნიცაში —ეს ყველაზე ცოცხალი ადგილია ქალაქში.

კან-სურ-მერის ისტორიული მემკვიდრეობა

მრავალი ქალაქის მსგავსად საფრანგეთის ლაჟვარდოვან სანაპიროზე არქეოლოგები პოულობენ კან-სურ-მერში მრავალ ძალიან ძვირფას რომის იმპერიის  და ბერძნების აქ ყოფნის დროინდელ ისტორიულ არტეფაქტს— ეს არის ქოთნები, სახლის ავეჯი და ჭურჭლეულობა, ინტერიერის საგნები, მოსართავები, მეღვინეობისთვის განკუთვნილი მოწყობილობები  და აგრეთვე ზეთისხილის  დასაწური ხელსაწყოები.

ძალიან საინტერესოა ქალაქის სახელწოდება— იგი სათავეს იღებს მონაკოს ცნობილი თავადის  შთამომავლის— ჟან-ანრი გრიმალდისგან, რომელსაც ხალხში უბრალოდ უწოდებდნენ  «ბარონი დე კანი». ამ მმართველმა მიიღო საფრანგეთის მფარველობა  XVII საუკუნეში და  შეჰფიცა მეფეს. აშენებულ ციხე-კოშკში კან-სურ-მერის რაიონში  ბარონმა მოაწყო მთელი სასახლე, რომელშიც ის და მისი შთამომავლები ეძლეოდნენ ფუფუნებას უშუალოდ დიდი გადატრიალების დაწყებამდე საფრანგეთში, რაც უქადნიდა მათ განდევნას. მიტოვებული მდიდრული რეზიდენციით დაინტერესდნენ კერძო პირები, რომლებმაც  შეიძინეს და შემდგომ რესტავრაცია გაუკეთეს მას  (ფრ. Chateau Grimaldi). ამჟამად ციხე-სიმაგრე   გრიმალდის კედლებში განთავსდა ორი გამოფენა — ერთი ზეთისხილის ზეთის წარმოებაზე, მეორე — ეძღვნება კაბარეს,მისი ვარსკვლავების პორტრეტები იკავებენ სასახლის არაერთ კედელს.

თავდაპირველად კან-სურ-მერი წარმოადგენდა უბრალოდ მეთევზეთა პატარა ნავსადგომს, ამ ადგილებში ჩერდებოდა უამრავი ნავი, რომლებიც განსხვავდებოდნენ „წაწვეტებული ცხვირებით“, რასაც უწოდებდნენ  «cagnes», აქედან დაერქვა ქალაქს თავისი სახელი.

თვალწარმტაცი ხედები ზღვაზე და კან-სურ-მერის ირგვლივ არსებული პეიზაჟები უძველესი დროიდან იზიდავდნენ ხელოვან ხალხს, ოსტატ-იმპრესიონისტებს, რომელთა შორის უპირველეს ყოვლისა უნდა დასახელდეს ოგუსტ რენუარი. მას შემდეგ, რაც  ხელოვანი გადმოვიდა აქ, იგი უკვე ვერ დაშორდა თვალწარმტაც კანს, აქ გაატარა თავისი ცხოვრების 12 წელი და გარდაიცვალა ამ შესანიშნავ ქალაქში საფრანგეთის ლაჟვარდოვან სანაპიროზე. აქ რენუარმა აღმოაჩინა უამრავი ახალი ფერი და იდეა თავისი ხელოვნებისთვის.

კან-სურ-მერში არის ამ ცნობილი მხატვრის  სახლ-მუზეუმი (ფრ. Musee Renoir), რომელიც განლაგებულია ზეთისხილისა და ციტრუსის ხეების გარემოცვაში. მხატვრის ხელოვნების ყველა შემფასებლისთვის საინტერესო იქნება ნახონ მისი სახელოსნო, საყოფაცხოვრებო საგნები,რომლებიც იყო მის გარშემო,მისი ნამუშევრები. მუზეუმი განახლდა  2013 წელს.

ნიცის მეზობლად

კან-სურ-მერი იქნება მიმზიდველი და სანატრელი დასვენების ადგილი იმათთვის, ვისაც სწადია შეხვედრა თბილ ზღვასთან, ალერსიან მზესთან, არ შეუძლია ცხოვრება მხიარული ატმოსფეროს და ახალი შთაბეჭდილებების  გარეშე. პატარა ზღვისპირა ქალაქი მოგეჩვენებათ წყნარ მყუდრო კუთხედ   ხმაურიან „მეზობელ“ ნიცასთან შედარებით. კანს უპირატესობას ანიჭებენ მოგზაურები, რომლებიც აფასებენ აუჩქარებელ მშვიდ დასვენებას ირგვლივ ცოტა რაოდენობის ტურისტებით. მაგრამ ამ კურორტს ძალიან წყნარსაც ვერ ვუწოდებთ— ცენტრალური ფეხით სასეირნო გზის პარალელურად გადის საავტომობილო გზა.

კან-სურ-მერს შეუძლია იტრაბახოს სანაპირო ოტელების უდიდესი არჩევანით, რომლებიც ქმნიან მთელს კომპლექსებს,მაგალითად,Nemea – Residence de Lido.

პლაჟი კან-სურ-მერში დაფარულია წვრილი კენჭით, რაც ნაკლებად განასხვავებს მას ნიცისგან.

სხვა გასართობთაგან აქ არის სამორინე  Terrazur და  ლაჟვარდოვანი სანაპიროს იპოდრომი.

კან-სურ-მერში არ მოიწყენთ!